ნინო ბაგრატიონი

ასისტენტ პროფესორი

სკოლის დამთავრების შემდეგ ჩავაბარე საქართველოს პოლიტექნიკურ ინსტიტუტში ქიმიური ტექნოლოგიის ფაკულტეტზე, სპეციალობით ,,კერამიკისა და ცეცხლგამძლე მასალების ქიმიური ტექნოლოგია". ბავშვობაში ვცხოვრობდი კერამ კომბინატთან ახლოს და თავისუფალ დროს ვაკვირდებოდი იქ მიმდინარე პროცესებს. ნაწილობრივ ამანც იმოქმედა პროფესიის არჩევაზე. შემდგომ გაჩნდა კითხვები, თუ რა ზეგავლენა შეიძლება მოეხდინა გარემოზეც ქიმიურ პროცესებს და 1990 წელს დამთავრებისთანავე დავიწყე გარემოს დაცვის კათედრაზე მუშაობა უმცროს მეცნიერ თანაშრომლად. გარემოს დაცვა სულ უფრო აქტუალური ხდებოდა 21 საუკუნეში და 2013 წელს ავირჩიე სადისერტაციო თემა: დარიშხანის სამრეწველო ნარჩენების განთავსების პირობების შესწავლა და მათი გავრცელების არეალის ეკოლოგიური შეფასება. დღესაც ვაგრძელებ გარემოს დაცვის კუთხით აქტიურ მუშაობას.