მაია კობახიძე, ბიოტექნოლოგიის ცენტრის მეცნიერ თანამშრომელი, მუშაობს ბიოტექნოლოგიის ჯგუფში მიკრობიოლოგიური მიმართულებით. დამთავრებული აქვს დოქტურანტურა სპეციალობით სას.სამ. ცხოველთა და ფრინველთა მიკრობიოლოგია, ვირუსოლოგია, იმუნოლოგია, ეპიზოოტოლოდია, პარაზიტოლოგია. მისი სამეცნიერო-პედაგოგიური მუშაობის სტაჟი მოიცავს 35 წელს. ასწავლიდა ცხოველთა ეპიზოოტოლოგიისა და ვეტ.საქმის ორგანიზაცია-ეკონომიკის საგნებს საქ.სახ.ზოოვეტერინარული ინსტიტუტის და აგრარული უნივერსიტეტის ვეტერინარულ ფაკულტეტებზე. პარალელურად ეწეოდა პრაქტიკულ საქმიანობას, კერძოდ, 1997-2008 წწ-ში მუშაობდა ვეტერინარულ კორპორაციებში "ვიტ ჯორჯია" და "აქვატერა" მთავარ ვეტერინარ სპეციალისტად. 2008-2009 წწ-ში პირველ ვეტერინარულ კლინიკაში ხელმძღვანელობდა ვეტერინარ ექიმთა გადამზადების კურსებს. მისი უშუალო მონაწილეობით მომზადდა რამოდენიმე სასწავლო-მეთოდური საშუალება და დამხმარე სახელმძღვანელო სტუდენტებისთვის.

მაია კობახიძის სამეცნიერო-კვლევითი სამუშაოების სფერო მოიცავს ვეტერინარული მიკრობიოლოგია-ვირუსოლოგიის საკითხების შესწავლას, ცხოველთა და ფრინველთა გადამდები და არაგადამდები დაავადებების დიაგნოსტიკის, მკურნალობისა და ლიკვიდაციის პრობლემების გადაჭრას, ცხოველთა კვების ინოვაციური ტექნოლოგიების შემუშავებასა და დანერგვას. ასევე, ნიადაგისა და მცენარეთა მიკრობიოლოგიური კვლევის საკითხებს.