2004 წელს დავიცავი საკანდიდატო დისერტაცია თემაზე “მოგრეხილი ჩაის ფოთლის დახარისხების პროცესის რეჟიმული პარამეტრების კვლევა“. 2006 წლიდან ვმუშაობ საქართველოს ტექნიკური უნივერსიტეტის სატრანსპორტო და მანქანათმშენებლობის ფაკულტეტის კვების ინდუსტრიის დეპარტამენტში ჯერ ასისტენტ-პროფესორად, შემდეგ კი ასოცირებულ პროფესორად. წამყვანი მეცნიერის სტატუსით მიღებული მაქვს მონაწილეობა ორ სამეცნიერო გრანტში: საქართველოს ტექნიკური უნივერსიტეტის გრანტი “კვების თხევადი პროდუქტების გაუვნებლობა და ხარისხის გაუმჯობესება“ და შოთა რუსთაველის ეროვნული სამეცნიერო ფონდის გრანტი “საკვებ-სამკურნალო მცენარეული ნედლეულის დამუშავების ტექნოლოგიისა და შესაბამისი მოწყობილობის დამუშავება“. სამეცნიერო მიმართულებებს წარმოადგენს: საინჟინრო მეცნიერებები, მაღალტექნოლოგიური მასალები, მექანიკური და ფიზიკა-ტექნიკური დამუშავების პროცესები, კვების პროდუქტების ნედლეულის გადამუშავების ინოვაციური ტექნოლოგიების ოპტიმალური პარამეტრების კვლევა და შესაბამისი მოწყობილობის დამუშავება.