საქართველოს ტექნიკური უნივერსიტეტის საინჟინრო მექანიკისა და ტექნიკური ექსპერტიზის დეპარტამენტის სამშენებლო მექანიკისა და ნაგებობათა სეისმომედეგობის მიმართულების პროფესორი.

1965-1971 წლებში ვსწავლობდი საქართველოს პოლიტექნიკურ ინსტიტუტში სამშენებლო ფაკულტეტზე. 1971-1974 წლებში ვმუშაობდი საქართველოს მეცნიერებათა აკადემიის ა. რაზმაძის სახ. მათემატიკის ინსტიტუტში, ინჟინრად.

1974-1977 წლებში ვსწავლობდი ქ. მოსკოვის სამშენებლო-საინჟინრო ინსტიტუტის (МИСИ) დღის დასწრებულ ასპირანტურაში, მასალათა გამძლეობისა და დრეკადობის თეორიის კათედრაზე.

1977 წლიდან დღემდე ვმუშაობ სტუ-ს სამშენებლო ფაკულტეტზე სხვადასხვა თანამდებობებზე: ასისტენტი, უფროსი მასწავლებელი, დოცენტი, ასოცირებული პროფესორი, პროფესორი.

1985 წ. 11 სექტემბერს დავიცავი დისერტაცია და გავხდი ტექნიკის მეცნიერებათა კანდიდატი (დიპლომი ТН № 083958, მოსკოვი).

2004 წლის 15 ოქტომბერს სტუ-ს პროფესორთა საბჭოს გადაწყვეტილებით მომენიჭა დოცენტის სამეცნიერო-პედაგოგიური წოდება. სამშენებლო მექანიკის სპეციალობით (დოცენტის ატესტატი № 002240).

პედაგოგიურ საქმიანობასთან ერთად ვეწევი სხვადასხვა სამეცნიერო კვლევით და სხვა საქმიანობას. გამოქვენებული მაქვს 27 სამეცნიერო ნაშრომი, 19 სტატია, 3 სახელმძღვანელო, 5 კონფერენცია და სხვა.

ვიყავი სამშენებლო ფაკულტეტის პროფბიუროს მდივანი, სტუ-ს პროფკავშირების სამშენებლო საყოფაცხოვრებო სექტორის წევრი, სპი-ს სამშენებლო ფაკულტეტის დეკანის მოადგილე აღმზრდელობითი მუშაობის დარგში; ვარ სამშენებლო ფაკულტეტზე დისერტაციის დაცვის კომისიის წევრი, სამშენებლო ფაკულტეტის საბჭოს წევრი.