კობა ილურიძე არის საქართველოს ტექნიკური უნივერსიტეტის საინჟინრო გრაფიკისა და ტექნიკური მექანიკის დეპარტამენტის ასოცირებული პროფესორი. მან 1961 წელს დაამთავრა საქართველოს პოლიტექნიკური ინსტიტუტი ინჟინერ-მექანიკოსის სპეციალობით (კვალიფიკაცია "ავტომობილები და ტრაქტორები"). ის 1963 წლიდან მუშაობას იწყებს ამავე ინსტიტუტის მექანიზმებისა და მანქანების თეორიის კათედრაზე. კათედრაზე გაწევრიანებამდე იგი მუშაობდა სამხედრო ნაწილში 32880 ინჟინერ-ტექნოლოგის თანამდებობაზე. კათედრაზე მუშაობისას ილურიძე დაინტერესდა სივრცითი მუშტა მექანიზმების დინამიკური პროექტირების საკითხებით, რომელიც ასახულია 1968-70 წლების მის სამეცნიერო შრომებში. შემდგომში იგი აგრძელებს მუშაობას კონტაქტური ძაბვების გათვალისწინებით მუშტას ცვეთგამძლე პროფილების განსაზღვრაზე. ეს კვლევები დასრულდა 1978 წელს საკანდიდატო დისერტაციით, აკადემიკოს დ. თავხელიძის ხელმძღვანელობით.

კონფერენციებზე გამოსვლა:

სპი-ს პროფესორ-მასწავლებელთა და წარმოების მუშაკთა სამეცნიერო-ტექნიკური კონფერენცია - 1975,

მანქანა-ავტომატების მექანიზმების გაანგარიშების მეთოდებზე საკავშირო კონფერენცია - 1976.

კ. ილურიძის პუბლიკაცია გამოჩნდა მექანიკის პრობლემებში წამყვან საერთაშორისო ჟურნალში - 2008.

სასწავლო კურსები, რომელსაც იგი უძღვება: მანქანათა თეორია, ტექნიკური მექანიკა, ტექნიკური მექანიკის საფუძვლები.

კ. ილურიძე ყოველთვის მზადაა ელ-ფოსტით გამოხმაურებაზე, თუ რომელიმე სტუდენტს მასთან საუბრის სურვილი ექნება.