დავიბადე სიღნაღის რაიონის სოფელ ვაქირში 1947 წლის 2 იანვარს.1953-64 წლებში ვსწავლობდი ვაქირის საშუალო სკოლაში, რომელიც დავამთავრე ოქროს მედლით.1964 წელს წარმატებით ჩავაბარე მისაღები გამოცდები სპი-ს ავტომატიკისა და გამოთვლითი ტექნიკის ფაკულტეტზე და ჩავირიცხე რადიოტექნიკის სპეციალობაზე.1969 წელს დავამთავრე აღნიშნული ფაკულტეტი წარჩინების დიპლომით და დავიწყე მუშაობა მენდელეევის სახელობის საკავშირო ინსტიტუტის თბილისის ფილიალში ინჟინრის თანამდებობაზე.1970 წლიდან ვმუშაობ სპი-ში (შემდგომში - სტუ) კავშირგაბმულობის ფაკულტეტზე (შემდგომში - ტელეკომუნიკაციის ფაკულტეტი, უფრო მოგვიანებით - ტელეკომუნიკაციის დეპარტამენტი ჯერ ენერგეტიკისა და ტელეკომუნიკაციის, შემდეგ კი - ინფორმატიკისა და მართვის სისტემების ფაკულტეტის შემადგენლობაში). სხვადასხვა დროს ვიყავი ლაბორანტი, ასპირანტი (ქ.მოსკოვი, კავშირგაბმულობის ელექტროტექნიკური ინსტიტუტი), უფროსი ლაბორანტი, ასისტენტი, უფროსი მასწავლებელი, დოცენტი (1992 წელს დავიცავი საკანდიდატო დისერტაცია), ასოცირებული პროფესორი, მოწვეული პროფესორი, სრული პროფესორი. 2017 წლიდან დღემდე ვარ პროფესორი.

ჩემს შესახებ შეიძლება ვთქვა, რომ ვარ საკმაოდ განათლებული, პასუხისმგებლობის მქონე პიროვნება. მაქვს კარგი დამოკიდებულება კოლეგებთან, ადვილად ვამყარებ კონტაქტს სტუდენტებთან, ჯანმრთელობას არ ვუჩივი, შრომისუნარიანობა კარგი მაქვს