2013 წლიდან დღემდე ვმუშაობ საქართველოს ტექნიკური უნივერსიტეტის სამშენებლო ფაკულტეტის ჰიდროტექნიკის და სამოქალაქო ინჟინერიის დეპარტამენტში არჩეული ასოცირებული პროფესორის აკადემიურ თანამდებობაზე. 2008 წლიდან დღემდე ასევე ვმუშაობ საქართველოს ტექნიკური უნივერსიტეტის ც. მირცხულავას სახელობის წყალთა მეურნეობის ინსტიტუტის ინოვაციური განვითარების ჯგუფის უფროსი მეცნიერი თანამშრომლის თანამდებობაზე. 2013 წლიდან დღემდე გახლავართ საქართველოს სოფლის მეურნეობის მეცნიერებათა აკადემიის აკადემიურ საბჭოსთან არსებული ჰიდრომელიორაციის მიმართულების დარგობრივი ჯგუფის წევრი. აქტიურად ვთანამშრომლობ ადგილობრივ და უცხოეთის უმაღლეს საგანმანათლებლო, სამეცნიერო-კვლევით და პროფესიულ დაწესებულებებთან/ორგანიზაციებთან (WB, USAID, USDA, NATO, ADA, FAO, NUFFIC და სხვ.). ვარ რიგი ადგილობრივი და საერთაშორისო გრანტის მომპოვებელი და თანამონაწილე. 2007 წლიდან 2013 წლის ჩათვლით გახლდით (NATO) მეცნიერება მშვიდობისა და უსაფრთხოებისათვის პროგრამის ფარგლებში განხორციელებული საერთაშორისო პროექტის (NATO SfP 982227) “წყლის რესურსების მართვა აგროეკოსისტემებში სამხრეთ კავკასიის ტრანსასაზღვრო რეგიონებში (სომხეთი, აზერბაიჯანი და საქართველო)“ სამხრეთ კავკასიის რეგიონალური კოორდინატორი. გამოქვეყნებული მაქვს 80-მდე სამეცნიერო ნაშრომი, მათ შორის 4 სახელმძღვანელო. გახლავართ წყლის რესურსების მართვის ორი სამენოვანი (რუსულ-ქართულ-ინგლისური) ტექნიკური ლექსიკონის თანაავტორი.